بطبوط مغربي سهل التحضير وناجح من المرة الأولى

المقادير كما في المطبخ المغربي : 

2 زلايف دقيق الفينوا 

زلافة دقيق الفورس

ملعقة كبيرة خميرة الخبز

شوية الملح 

شوية الفورس لتكراص 

والماء دافي 

طريقة التحضير :

في قصرية غربلي الدقيق بجوج بيهم الفينوا ديال القمح والفورس، حفري حفيرة صغيرة 

وعملي فيها الخميرة مع شوية الماء دافي حتى الذوب، ثم زيدي الماء وعجني عجينة 

عادية ثم زيدي شوية الملح ودلكي بالماء خلي العجينة تتلصق مثل عجينة السفنج.

غطيها ببلاستيكة ترتاح ورجعي بداي تعملي كويرات متوسطة الحجم وكرصي 

بالفورس ماشي بالفينوا كملي الكويرات، ثم  بعدما ارتاحوا واترخفوا بداي تكرصيهم 

بالوحدة بالوحدة بدقيق الفورس وحطيهم يخمروا من بعد بداي طيبي فيهم في مقلاة 

الثقيلة رشي مرة مرة بالزيت إلى أن تحمر البطبوطة وكملي الباقين ووجدب براد أتاي 

وبالصحة والراحة راه السرباش البطبوط يجي خفيف ورطب ويصبر في الثلاجة ويجي 

بعدما تسخنيه رطب بحال عاد طيبته فقط العجينة تكون مرخوفة هذي راه عن تجربة 

مني في العجينة المطلوقة علاش تيجي خفيف ولذيذ.