بطبوط معمر بالشورما
المقادير كما في المطبخ المغربي :
للعجين نحتاج :
زلافة دقيق النخالة أو الحمرة كيف تنسميوها في المغرب
2 زلايف فورص
شوية الملح
شوية الخميرة
ملعقة صغيرة سنيدة
ملعقة كبيرة زيت
في قصرية أو إناء عميق نخلطوا جميع مقادير العجين وتدلك العجينة مزيان ونغطيها
ببلاستيكة ونخليها ترتاح
ونقطع العجينة كويرات صغيرة ونغطيهم ونخليهم يرتاحوا شوية
ونكرصوهم بحال البطوط العادي ونخليهم يخمروا مغطيين
ويخمروا ونبداو نطيبوهم في مقلاة طهي البطبوط
ونطيبوهم من كلا الجهتين حتى يتنفخوا
وللشاورما نحتاجوا :
1 دانون طبيعي
شوية الملح
شوية الإبزار
شوية القعقلة
شوية الكوزة
ورقة سيدنا موسى
شوية القزبر مطحون
ملعقة مطيشة الحك
ملعقة صغيرة خل
ملعقة صغيرة عصير حامض
ونخلطوا جميع هاذ المكونات ونخليها ترتاح وندوزا لتحضير اللحم :
ولتحضير اللحم نحتاج :
طريفات اللحم بكري أو طريفات صدر دجاج وشوية الشحمة محكوكة
ورقة سيدنا موسى
شوية زيت لعود
شوية الملح
شوية الإبزار
في مقلة مع شوية الزيت نشحر اللحم مزيان وتكون النار مهيلة باش يطيب اللحم
مزيان
من بعد ماطاب اللحم نضيف ليه الخليط اللي سبق وحضرناه بدانون طبيعي ونخليوه
يتشحر ونطفي عليه
ولمرافقة لحم الشاورما نحتاج لــ :
شوية الخس
شوية المايونيز مخلط مع الحار الحار اختياري
بصلة مشنفة
الاضافات
وأخير وعند التقديم نعمر البطيبطات بالحشوة ونسخنها في المقلة أو في آلة البانيني
نعمرو البطبوط ونعملوه يسخن قبل التقديم في الة البنيني او في مقلة
وبالصحة والراحة