بسطيلة بالكفتة والخضر بأسهل طريقة وبالصور

المقادير كما في المطبخ المغربي : 

رابعة الكفتة 

جزرتين محكوكين

كرعة خضراء محكوكة 

بصلتين مشلطين رقيق

ثلاث فلافل 2 حمراء ووحدة خضراء مقطعين رقيق 

بكية فيرمسيل مرطبة في الماء مغلي ومقطعة 

شوية الزيتون أخضر دوائر 

شوية الحامض مرقد طريفات رقيقة

شوية الفرماج محكوك

شوية الملح، شوية الكمون، شوية الإبزار، شوية القزبر مقطع رقيق

ربع كاس زيت، كنورة دجاج مفرتة، شوية الزبدة لدهن الورقة. 

طريقة التحضير : 

كنوجد الخضر ونبدأ في التحضير : 

أولا نأخذ مقلاة تحط على النار فيها شوية الزيت ونشحر البصلة  

والفلافل ونزيد شوية الملح والإبزار ونشحرهم مزيان حتى يذبالوا عاد 

نزيد الجزر والكرعة ونشحر الكل حتى يهبط الخليط ونضيف عليه 

الكفتة  والعطرية وكنور مفرتت ونحرك الكل

من بعد نزيد على الخليط بعدما نزول المقلة من على النار، 

الحامض والزيتون 

ثم نخلط الخليط  ونضيف ليه الشعرية الصينية، ونوجد الورقة والزبد 

ونبدا في تعمار الورقة 

بعدما حطينا الخليط فوق الورقة ديالنا بالعادة تنفرش فوق الصينية 

اللي غادي تدخل للفرن ثلاث ورقات، ووسطهم تنحط الحشوة كما 

في الصورة وفوق الحشوة تنحط الفرماج محكوك 

وتنرد الورقات وتنحط من فوق ورقة والحواشي تيدخلوا تحت، مع 

الدهن دائما بالزبدة مذوبة بين الورقات 

تدهن من فوق بالزبدة وتدخل للفرن تطهى غير تحمر فقط، وقبل 

التحمار النهائي تخرج ترش عليها الفرماج محكوك وترجع 

شوية للفرن دون ميقساح الفرماج وتقدم ساخنة

 بألف صحة وعافية.