حلوة الوردة بالتمر
المقادير كما في المطبخ المغربي العصري :
200 g الزبدة من الأفضل اللذة
2 بيضات
ملعقة سكر كلاصي
كاس كونفتير مشمش خفيف
ماء زهر للعجن
للحشو :
رابعة التمر معجون
ملعقة قرفة مطحونة
ملعقة زبدة
شوية ماء زهر
شوية اللوز أو كاوكاو مطحون
طريقة التحضير كما في المطبخ المغربي العصري :
في قصرية كما جرت العادة المغربية نحك الزبدة مع السكر كلاصي حتى تولي مثل
البوماد عاد نزيد بشوية باقي المقادير حتى تتجمع العجين وتولي رطبة متماسكة
وبين 2 بلاستيكات نسرح كرة العجين بعدما ارتاحت شوية بواسطة مدلك حتى تولي
رقيقة وإلا كانت المكينة يكون أحسن نبدا من 2 ثم 3 ثم 7، ثم نعمل حربلة طويلة
من معجون التمر مخلط بالمكونات السابقة الدكر والخاصة بالحشوة ونتني العجينة
كما في الصورة
بعدما لوينا العجين لوية وحدة نعمل الجهة المحلولة تحت ونقطع بالسكين، ثم نبدا
بواسطة سكين حاد نعمل شريطات كما في الصورة ونقطع حربلة كقياس الأصبع
تقريبا
ثم نقلب الحربلة ونبدا نلوي من الجهة السفلى الصورة توضح الطريقة حتى كتحل
الشريطات ويبان التمر وتعطي شكل وريدة ندهنها من فوق بالحليب
وتصفف في لاطة مدهونة أو على ورق الزبدة وتدخل للفرن حتى تطهى من دون
ماتتحمرش