الشباكية المغربية هشيشة ولذيذة

المقادير كما في المطبخ المغربي : 

كيلوا دقيق أبيض

كأس جنجلان محمر مطحون منيل مغربل 

نصف كاس نافع محمر ومطحون ومغربل 

نصف كاس حبة حلاوة مطحونة ومغربلة 

كأس لوز مطحون ومغربل  

كأس ونصف مخلطة مابين زبدة مذوبة وزيت نباتية وزيت بلدية 

نصف كأس خل 

أصفر بيضة 

القليل من زعفران مسخن ومحكوك بين اليدين 

ساشية ملون صناعي خرقوم 

شوية الملح القليل فقط 

قرعة الماء زهروشوية الماء خاصها تبقى قاسحة 

أنا متنديرش الخميرة وتنصايبها على خاطري وتتجي مزيانة 

للتزيين : 

زيت للقلي 

العسل 

جنجلان محمر 

طريقة التحضير : 

في قصرية كما جرت العادة المطبخ المغربي نخلط الدقيق مع المكونات الأخرى 

الناشفة، خاصها تكون مطحونة ومنيلة ومغربلة باش متخصرش العجينة، اللي هي 

الجنجلان والنافع، حبة حلاوة واللوز ونزيد الخميرة والخمارة وشوية الملح ونخلط 

الكل بخليط الزبدة والزيت النباتية والبلدية ونخلط حتى يتشرب الدقيق الدهون حتى 

الحصول على خليط مرمل وهاذ المرحلة ضرورية في تحضير عجين الشباكية تتساعد 

على نجاحها من بعد غادي نضيف أصفر البيضة والزعفران مذوب مع الخل ونجمع

الكل بماء الزهر وتدلك العجينة مزيان حتى نحصلوا على عجينة متماسكة وصلبة 

شوية 

ثم نقطعها إلى كرات تغطى ببلاستيك غذائي وتترك ترتاح شوية، 

ثم نمرر كل كرة بالآلة على درجة تخرج رقيقة 

ونسرح العجين بالمدلك ونقطع مستطيلات تقطع بالجرارة ونبدا نشبك 

ومن بعد مانكمل الكل نبدا في قليها في زيت ساخنة حتى تتحمر وتغطس مباشرة في 

العسل 

وتقطر في كسكاس 

وترش بالجنجلان محمر

 

وترصص في سطل نقي ويمكن حتى تخزن في الفريكوا ونبقا 

نخرج كل مرة كمية للاستهلاك راه غادي تبقى محافظة على الهشاشة والبنة ديالها 

وبالصحة والراحة