محنشة بالكروفيت لذيذة وبمقادير بسيطة

المقادير كما في المطبخ المغربي : 

نصف كيلوا كروفيت

بكية شعرية صينية 

حبتي طماطم 

ملعقتين قزبر مقطع رقيق 

ملعقة طماطم معلبة 

ربع ملعقة صغير تحميرة 

فص واحد ثوم كبير

شوية الملح

شوية الإبزار 

شوية السودانية أو بلاش حسب الذوق

4 ملاعق زيت زيتون 

ورقة بسطيلة كبيرة 

الطريقة كما في المطبخ المغربي : 

تقشر الطماطم وتزال ليها الزريعة وتقطع طريفات رقيقة وتوضع تشحر مع شوية 

الزيت لمدة 5 د، ثم يضاف لها الكروفيت والثوم والتحميرة والإبزار وشوية الملح 

ويترك الكل يطهى مدة  5د، ثم يضاف مركز الطماطم والقزبر مقطع رقيق والشعرية 

الصينة بعدما رطبناها في شوية الماء المغلي وقطعناها شوية، ويترك الكل على النار 

مدة 5د أخرى ويطفى عليه النار ويترك يبرد. 

ونحضر ورقة البسطيلة، نسرح وحدة جنب وحدة وتدهن بشوية الزبدة ونبدأ نضع 

الحشوة بالطول كما في الصور ونبدا نلف الورقة ثم ندورها على شكل حلزوني ونحطها 

في طاوة وتدهن بالزبدة مذوبة وتدخل الفرن قبل ماتحمر نهائيا ترش بشوية الفرماج 

محكوك وترجع للفرن حتى تتحمر وتخرج لتقدم ساخنة وبالصحة والراحة. 

وبالصحة والراحة