الحل ساهل باش زربيتك تبان تضوي من بعد الصابون

الحل ساهل باش زربيتك تبان تضوي من بعد الصابون، إيوا آجي تشوفي الطريقة 

في واحد السطل ديال  الماء سخون مزيان حكي صابونة كبيرة ديال الكف وخليه حتى 

يولي كريم، ثم سيري فزكي الزربية ديالك ودهنيها كلها مزيان بهاذ الكريم خليها شوية 

وبداي تحكي بزلافة مقلوبة على فمها وبداي تحكي راه الزلافة كتحيد الوسخ ، من بعد 

كرطيها من الماء وخلطي معطر مكسيس ديال الخزامة أنا تيعجبني ديال الخزامة 

وشوفي أنت اللي تيعجبك خلطيه مع شوية صابون المواعن والماء وصبيه على الزربية 

وعاودي حكي بالشيتة غير شوية باش تزولي الخملة أو الشعر اللي تيكون لاصق في 

الزربية، صافي وشليها مزيان وكرطيها خليها حتى تقطر ونشريها على ظهرها. 

راها طريقة مجربة والزربية غادي تعجبك هاذ المرة فالتصبين.

ا