الحريرة الحامضة المغربية كما تحضرها المطاعم الكبرى

المقادير كما في الطبخ المغربي :

كيلوا ونصف طماطم حمراء وطايبة

بصلة متوسطة

طريفات لحم

كاس عدس

كأسين حمص مرطب مزال القشرة

كاس شعرية متوسطة

رابعة دقيق أبيض فورس

ربطة الربيع معدنوس وقزبر، ربطة الكرافس الكل مقطع رقيق

العطرية : ملح، إبزار، سكنجبير، تحميرة، خرقوم، شوية 

القرفة ملعقة كبيرة سمن حار


الطريقة :

تصلق الطماطم شوية وتطحن في المطحنة اليدوية أو تطحن

في الخلاط الكهربائي لكن تصفى، تشلظ البصلة 

رقيقة،وتخلطان في كوكوت مع العدس والحمص وطريفات 

اللحم والعطرية والربيع والكرافس وتقلى ويضاف الماء 

الكافي وتسد و تطهى ثلث ساعة تقريبا، يطفي النار عليها 

وتبرد ويضاف ماء بارد وتدور بشوية الدقيق الابيض مع الماء 

ويكون جاري ونحرك تغلى ونضيف الشعرية، وملعقة كبيرة 

مطيشة الحك تبقى حتى تغلى ونطفي النار.


السر في حريرة المطاعم: 

أنا تنعمل شوية الخميرة مع الدقيق والماء اللي غادي ندور 

بيه الحرير ساعتين أو ثلاث تقريبا قبل ما نبدا ندور الحريرة 

راها تتجي بنينة وخفيفة.

وصفة لذيذة في الطبخ المغربي